Ռեալն Անչելոտիին փոխարինելու մի շարք տարբերակներ է դիտարկում

Ընթացիկ մրցաշրջանի ավարտից հետո «Ռեալ Մադրիդում», հնարավոր է, մարզչական փոփոխություն տեղի ունենա։

Ինչպես տեղեկացնում է Onze Mondial-ն, ակումբի գլխավոր մարզիչ Կառլո Անչելոտիի ապագան կախված է միայն «սերուցքայինների»` Չեմպիոնների լիգայում գրանցած մրցելույթներից։

Աղբյուրի փոխանցմամբ` «Ռեալի» ղեկավարությունն Անչելոտիին փոխարինելու մի շարք թեկնածուներ է դիտարկում։

Խոսքը Մաուրիսիո Պոչետինոյի, Թոմաս Տուխելի, Ռաուլի («Ռեալ Մադրիդ Կաստիլիա»), Խաբի Ալոնսոյի («Բայեր Լևերկուզեն») և Օլիվեր Գլասների («Այնտրախտ») մասին է։

Հավելենք, որ Անչելոտիի ու «Ռեալի» միջև գործող պայմանագիրն ավարտվում է 2024 թ. հունիսի 30-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am