Ռեալն անհավանական պայմանագիր է առաջարկել Մբապեին

«Ռեալ Մադրիդը» կրկին քայլեր է սկսել ձեռնարկել` ՊՍԺ-ի հարձակվող Կիլիան Մբապեի հետ պայմանագիր կնքելու համար։

Ինչպես տեղեկացնում է իտալացի ինսայդեր Նիկոլո Սկիրան, «արքայական» ակումբը 22-ամյա ֆուտբոլիստին 6 տարվա պայմանագիր է առաջարկել` տարեկան 40 մլն եվրո աշխատավարձով։

Նշվում է, որ մադրիդյան ակումբի ղեկավարությունը վստահ է, որ 2021/22 մրցաշրջանի ավարտին «Ռեալին» կհաջողվի պայմանագիր կնքել Մբապեի հետ, երբ նա կդառնա ազատ գործակալ։

ՊՍԺ-ն, իր հերթին, մտադիր է երկարաձգել ֆրանսիացի հարձակվողի հետ պայմանագիրը, որն ավարտվում է 2022 թ. հունիսի 30-ին, սակայն Մբապեն հստակ դիրքորոշում ունի. նա ցանկանում է տեղափոխվել «Ռեալ»։

Հատկանշական է, որ 2022 թ. հունվարից 1-ից սկսած` մադրիդյան ակումբը կարող է անիջապես ուղիղ կապի մեջ լինել Մբապեի հետ` առանց ՊՍԺ-ին տեղյակ պահելու։

Խոսակցություններ կան, որ 22-ամյա ֆուտբոլիստը մի քանի անգամ մերժել է «Փարիզի»` պայմանագրի երկարաձգման առաջարկը։

Սկիրային հաջողվել է պարզել, որ «Պարի Սեն-Ժերմենի» առաջարկներից մեկը եղել է պայմանագիր 5 տարով` տարեկան 32 մլն եվրո աշխատավարձով։

Հիշեցնենք, որ Կիլիան Մբապեն վերջին ամառային տրանսֆերային պատուհանի ժամանակ շատ մոտ էր «Ռեալ Մադրիդ» տեղափոխվելուն, սակայն ՊՍԺ-ն մերժեց «սերուցքայինների» երեք առաջարկները։

«Արքայական» ակումբը ֆրանսիացի հարձակվողի տրանսֆերի համար առաջարկել է նախ 160 մլն, ապա` 170+10 մլն, իսկ վերջում 200 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am