Ռեալը որոշել է Մբապեին տրամադրել Զիդանի լեգենդար համարը

ՊՍԺ-ի հարձակվող Կիլիան Մբապեի` «Ռեալ Մադրիդ» տեղափոխությունը դառնում է էլ ավելի իրատեսական։

Ինչպես արդեն տղեկացրել ենք, մադրիդյան ակումբը ֆրանսիացի հարձակվողին գնելու համար «Փարիզին» պաշտոնական երկու առաջարկ է կատարել։

Առաջարկներից մեկը մերժվել է (160 մլն եվրո), իսկ մյուսի վերաբերյալ դեռևս հստակ տեղեկություն չկա (170+10 մլն եվրո)։

«Արքայական» ակումբը վստահ է, որ այդ վերջին առաջարկից ՊՍԺ-ն պարզապես չի կարող հրաժարվել և վստահ է, որ ձեռք կբերի Մբապեին։

Ըստ AS-ի ունեցած տեղեկությունների, «Ռեալը», հաշվի առնելով այդ ամենը, նույնիսկ որոշել է, թե որ խաղահամարն է տրամադրելու 22-ամյա հարձակվողին։

Աղբյուրի փոխանցմամբ` մադրիդյան ակումբը Մբապեին մտադիր է տալ Զինեդին Զիդանի լեգենդար «5» համարը։

Ներկա պահին «Ռեալի» կազմում «5» համարը պատկանում է կենտրոնական պաշտպան Խեսուս Վալյեխոյին, և եթե իսպանացի ֆուտբոլիստը հրաժարվի այն զիջել Մբապեին, ակումբը կդիտարկի այլ տարբերակներ։

Խոսակցություններ կան , որ Մբապեն կարող է վերցնել նաև «19» ու «23» համարները։

Հավելենք նաև, որ եթե գործարքն ավարտվի հաջողությամբ, «սերուցքայինները» ֆրանսիացի հարձակվողին մտադիր են ներկայացնել սեպտեմբերի 10-ին` «Սանտիագո Բեռնաբեու» մարզադաշտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am