Ռեալը խոշոր հաշվով հաղթեց Պաչուկային` նվաճելով Միջմայրցամաքային գավաթի տիտղոսը 🎥

Միջմայրցամաքային գավաթի խաղարկության եզրափակիչում Կատարի Լուսայիլ քաղաքում միմյանց դեմ մրցեցին ՈՒԵՖԱ-ի և ԿՈՆԿԱԿԱՖ-ի Չեմպիոնների լիգայի հաղթողները` Մադրիդի «Ռեալն» ու մեքսիկական «Պաչուկան»։

«Արքայական» ակումբը վստահ հանդիպում անցկացրեց և հաղթեց 3:0 հաշվով։

Կառլո Անչելոտիի գլխավորած թիմի հաղթական գոլերը խփեցին Կիլիան Մբապեն, Ռոդրիգոն ու Վինիսիուսը։

Այսպիսով, իսպանական գրանդը պատմության մեջ չորրորդ անգամ նվաճեց Միջմայրցամաքային գավաթի տիտղոսը։ «Ռեալը» շրջանցեց «Միլանին», արգենտինական «Բոկա Խունիորսին», ուրուգվայական ակումբներ «Պենյարոլին» ու «Նասիոնալին» և դարձավ մրցաշարի պատմության ամենատիտղոսակիր ակումբը։

Հիշեցնենք, որ սա Միջմայրցամաքային գավաթի առաջին խաղարկությունն էր 20 տարվա դադարից հետո։ Այն անցկացվում էր աշխարհի ակումբային առաջնության հին ձևաչափով։ Միակ փոփոխությունն այն է, որ ՈՒԵՖԱ-ի Չեմպիոնների լիգայի հաղթողը, կիսաեզրափակիչի փոխարեն, պայքարն սկում է եզրափակիչից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից