Ռեալը գրեթե համաձայնության է հասել Դևիսի հետ

«Բավարիայի» եզրային պաշտպան Ալֆոնսո Դևիսը, ամենայն հավանականությամբ, կարիերան կշարունակի «Ռեալ Մադրրիդ» կազմում։

As-ը գրում է, որ «արքայական» ակումբն անձնական պայմանագրի հարցում գրեթե համաձայնության է հասել կանադացի ֆուտբոլիստի հետ։

Կողմերը այժմ պետք է վերջնական քննարկեն համաձայնագրի որոշ մանրամասներ, սակայն նրանք վատահ են, որ կհասնեն համաձայնության։

«Ռեալը» տրանսֆերի հարցում պետք է համաձայնության հասնի նաև «Բավարիայի» հետ։

Նշվում է, որ մյունխենյան ակումբը 23-ամյա ֆուտբոլիստի տրանսֆերի համար պահանջում է 50 մլն եվրո, սակայն «սերուցքայինները» պատրաստ չեն վճարել այդքան։

«Ռեալը» գործարքի համար առավելագույնը պատրաստ է ներդնել 30 մլն եվրո։

Ավելի վաղ ինսայդեր Նիկոլո Սկիրան հայտնել է, որ մադրիդյան ակումբն ու Դևիսն անձնական պայմանագրի հարցում հասել են սկզբունքային համաձայնության։ Կանադացին «Ռեալ» տեղափոխվելուց հետո պայմանագիրը կնքելու է մինչև 2029 թ. հունիսի 30-ը։

Դևիսը «Բավարիայի» կազմում հանդես է գալիս 2019 թ. հունվարից` 184 խաղում խփելով 9 գոլ, կատարելով 28 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am