Պրեմիեր լիգայում հանդես եկող ֆուտբոլիստը ձերբակալվել է բռնաբարության մեղադրանքով

Պրեմիեր լիգայում հանդես եկող ֆուտբոլիստը ձերբակալվել է բռնաբարության մեղադրանքով

05/07/2022 - 10:22

Ինչպես տեղեկացնում է The Telegraph-ը, Պրեմիեր լիգան ներկայացնող ֆուտբոլիստներից մեկը ձերբակալվել է բռնաբարության մեղադրանքով։

Աղբյուրի փոխանցմամբ` ֆուտբոլիստի ձերբակալությունը տեղի է ունեցել Հյուսիսային Լոնդոնում` Բարնեթում` կապված մեկ ամիս առաջ կնոջ վրա ենթադրյալ հարձակման հետ։

«Հուլիսի 4-ին ոստիկանությունում բողոք է ստացվել 20-ամյա աղջկա բռնաբարության վերաբերյալ։ Ենթադրյալ բռնաբարությունը տեղի է ունեցել 2022 թվականի հունիսին։ Միջադեպի հանգամանքների հետաքննությունը շարունակվում է»,- ասվում է Լոնդոնի ոստիկանության հաղորդագրության մեջ։

Հաղորդվում է, որ այդ ֆուտբոլիստը տարիքով 30-ին մոտ է և հանդես է գալիս իր երկրի ազգային հավաքականում, սակայն նրա անունն իրավական գործընթացների հետևանքով դեռևս չի հրապարակվում։ Այժմ նա գտնվում է կալանքի տակ և հարցաքննվում է։

Սկոտլենդ Յարդը (խմբ.` Լոնդոնի ոստիկանությունը) հաստատել է, որ ձերբակալվածը, իրոք, ֆուտբոլիստ է, իսկ The Telegraph-ը կապվել է նրա ակումբի հետ, որը նույնպես տեղյակ է ստեղծված իրավիճակից, սակայն հրաժարվել է որևէ մեկնաբանություն տալ։

Աղբյուրը հաստատում է, որ ձերբակալվածը մեծ ճանաչում ունի և դեռևս պարզ չէ` արդյո՞ք նա իր ակումբի կազմում կմասնակցի նախամրցաշրջանային հատվածի հանդիպումներին, թե` ոչ։

Հիշեցնենք, որ Պրեմիեր լիգայի 2022/23 մրցաշրրանը մեկնարկելու է օգոստոսի 5-ին։

#

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023