Պորտուգալիայի հավաքականի հայտացուցակում փոփոխություն է եղել

Պորտուգալիայի ազգային հավաքականի՝ ԱԱ-2026-ի եվրոպական ընտրական մրցաշարի առաջիկա հանդիպումների համար նախատեսված հայտացուցակում փոփոխություն է եղել, հայտնում է A Bola-ն: 

«Մանչեսթեր Յունայթեդի» պաշտպան Դիոգու Դալոտը մկանային վնասվածք է ստացել՝ դուրս մնալով հավաքականի հայտացուցակից: Նրա փոխարեն հավաքականի գլխավոր մարզիչ Ռոբերտո Մարտինեսը հայտավորել է «Լացիոյի» ֆուտբոլիստ Նունու Տավարեշին:

Պորտուգալիայի հավաքականն ընտրական մրցաշարի F խմբի առաջին տուրում սեպտեմբերի 6-ին Երևանի Վազգեն Սարգսյանի անվան «Հանրապետական» ստադիոնում կմրցի Հայաստանի թիմի դեմ:

«Սելեսաոն» սեպտեմբերի 9-ին Բուդապեշտում կհանդիպի Հունգարիայի հավաքականին:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am