Պորտուգալիայի հավաքականը տոնել է պատմության ամենախոշոր հաշվով հաղթանակը

Եվրո-2024-ի որակավորման փուլի 6-րդ տուրում Պորտուգալիայի հավաքականը J խմբի շրջանակում սեփական հարկի տակ 9:0 հաշվով հաղթեց Լյուքսեմբուրգին։

«Սելեսաոն» տոնել է պատմության ամենախոշոր հաշվով հաղթանակը` գերազանցելով 28 տարվա վաղեմության ցուցանիշը։

Պորտուգալացիները նախորդ ռեկորդը գրանցել էին Եվրո-1996-ի որակավորման փուլում, երբ 1994 թ. դեկտեմբերի 18-ին 8:0 հաշվով հաղթեցին Լիխտենշտեյնին։

Հետագայում Պորտուգալիան ևս երկու անգամ կրկնել է այդ ռեկորդը և 8:0 հաշվով առավելության հասնել նույն Լիխտենշտեյնի (Եվրո-2000-ի որակավորման փուլ, 1999 թ. հունիսի 9) և Քուվեյթի (ընկերական հանդիպում, 2003 թ. նոյեմբերի 19) նկատմամբ։

Հավելենք, որ Եվրո-2024-ի որակավորկան փուլի J խմբում Պորտուգալիայի հավաքականը հաղթել է անցկացրած բոլոր 6 խաղերում և, 24 միավորով, գլխավորում է մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am