Պաշտոնական. Ռոնալդ Կումանը հեռացվեց զբաղեցրած պաշտոնից

Պաշտոնական. Ռոնալդ Կումանը հեռացվեց զբաղեցրած պաշտոնից

28/10/2021 - 02:27

Ինչպես տեղեկացնում է «Բարսելոնայի» պաշտոնական կայքը, ակումբի գլխավոր մարզիչ Ռոնալդ Կումանը հեռացվել է զբաղեցրած պաշտոնից։

Իսպանական Լա լիգայի 11-րդ տուրի շրջանակում «Ռայո Վալեկանոյից» 0:1 հաշվով կրած պարտությունից հետո կատալոնական ակումբի նախագահ Ժոան Լապորտան տնօրենների խորհրդի արտահերթ նիստ է հրավիրել, որի ընթացքում էլ որոշում է կայացվել հոլանդացի մասնագետին հեռացնել զբաղեցրած պաշտոնից։

Հաղորդվում է, որ Կումանը «բլաուգրանասի» ֆուտբոլիստներին հրաժեշտ կտա հոկտեմբերի 28-ին։

Հիշեցնենք, որ Ռոնալդ Կումանը «Բարսելոնայի» գլխավոր մարզիչ էր նշանակվել 2020 թ. օգոստոսին։ Նրա գլխավորությամբ «կապտանռնագույններն» անցկացրել են 67 հանդիպում, տոնել են 40 հաղթանակ, 11 հանդիպում ավարտել ոչ-ոքի և կրել 16 պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023