Պաշտոնական. Պորտուն նոր պայմանագիր է կնքել իր դարպասապահի հետ

Ինչպես տեղեկացնում է «Պորտուի» պաշտոնական կայքը, ակումբը նոր պայմանագիր է կնքել դարպասապահ Դիոգու Կոշտայի հետ։

Ըստ նոր համաձայնագրի` 23-ամյա դարպասապահը «վիշապների» կազմում կշարունակի հանդես գալ մինչև 2027 թ. հունիսի 30-ը։

Ինսայդեր Ֆաբրիցիո Ռոմանոն էլ հայտնում է, որ Կոշտայի և «Պորտուի» միջև կնքված նոր պայմանագրում առկա է նաև հրաժարագնի կետ, որը կազմում է 75 մլն եվրո։

Նշենք, որ պորտուգալացի դարպասապահը «Պորտուի» սան է, որի կազմում անցկացրել է 85 հանդիպում` 35 անգամ սեփական դարպասը պահելով անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am