Պաշտոնական. Պետեր Չեխը վերսկսել է կարիերան 📸
«Չելսիի», «Արսենալի» և Չեխիայի ազգային հավաքականի նախկին, լեգենդար ու ռեկորդակիր դարպասապահ Պետեր Չեխը վերսկսել է կարիերան տափօղակով հոկեյում։
43-ամյա նախկին ֆուտբոլիստը պայմանագիր է կնքել Մեծ Բրիտանիայի չորրորդ դիվիզիոնը ներկայացնող «Հարինգեյ Հասկիսի» հետ, հայտնում է ակումբի մամուլի ծառայությունը։
«Հասկիսը» Չեխի հոկեյի կարիերայի 5-րդ ակումբն է։ Նա նախկինում խաղացել է նաև «Գիլֆորդ Ֆենիքս» (Մեծ Բրիտանիայի 4-րդ դիվիզիոն), «Չելֆսորդ» (3-րդ դիվիզիոն), «Օքսֆորդ» (3-րդ դիվիզիոն) և «Բելֆաստ» (Բարձրագույն լիգա) ակումբներում։ Չեխը հոկեյում նույնպես հանդես է գալիս դարպասապահի դիրքում։
Չեխը 2023/24 մրցաշրջանից հետո հոկեյում ակումբ չուներ։
Պետեր Չեխը ֆուտբոլային կարիերայի ընթացքում 202 անգամ դարպասապն անառիկ է պահել Անգլիայի Պրեմիեր լիգայում։ Նա առաջնության պատմության մեջ ամենաշատ «չոր» հանդիպում անցկացրած դարպասապահն է։
Լեգենդար ֆուտբոլիստը նաև մեկ մրցաշրջանի ընթացքում ամենաշատ «չոր» հանդիպում անցկացրած և ամենաքիչ գոլ բաց թողած դարպասապահն է։ 2004/05 մրցաշրջանում նա «Չելսիի» կազմում 24 անգամ դարպասն անառիկ է պահել` բաց թողնելով ընդամենը 15 գնդակ։
Չեխ դարպասապահը կարիերայի ընթացքում 20 տիտղոս է նվաճել, այդ թվում` «Չելսիի» կազմում չորսական անգամ դառնալով Անգլիայի չեմպիոն ու գավաթակիր, մեկ անգամ` Չեմպիոնների լիգայի հաղթող։
Պետեր Չեխը տիտղոսներ նվաճել է նաև հոկեյում` 2021/22 մրցաշրջանում «Գիլֆորդ Ֆենիքսի» հետ դառնալով Մեծ Բրիտանիայի 4-րդ դիվիզիոնի չեմպիոն, փլեյ-օֆֆ-ի հաղթող ու գավաթակիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# ԱՊԼ, Արսենալ, Հոկեյ, Չելսի, Չեխիայի հավաքական, Պետեր Չեխ, տրանսֆերներ