Պաշտոնական. Լուկաս Սելարայանը փոխեց ակումբը 🎥

Հայաստանի ազգային հավաքականի կիսապաշտպան Լուկաս Սելարայանը հեռացել է Սաուդյան Արաբիան ներկայացնող «Ալ Ֆաթեհից» և տեղափոխվել Արգենտինայի Լիգա Պրոֆեսիոնալը ներկայացնող «Բելգրանո»։

Կորդովա քաղաքը ներկայացնող ակումբի պաշտոնական կայքը հայտնում է, որ կողմերը պայմանագիրը կնքել են մինչև 2027 թ. դեկտեմբերի 31-ը։

Ըստ Transfermarkt հեղինակավոր կայքի` 32-ամյա ֆուտբոլիստը «Բելգրանոյին» միացել է անվճար։

Ակումբն էլ հաստատում է, որ Սելարայանը սեփական միջոցներով գնել է «Ալ Ֆաթեհի» հետ գործող պայմանագիրն ու խզել այն, ինչի շնորհիվ էլ հնարավոր է եղել իրականացնել գործարքը։

Սելարայանը նոր ակումբում հանդես է գալու «10» համարի մարզաշապիկով։

Հավելենք, որ Լուկաս Սելարայանը «Բելգրանոյի» սան է, որի համակարգում հանդես է եկել 2012-2016 թվականներին, 81 խաղում խփել 10 գոլ, կատարել 6 ասիստ։

Սելարայանն «Ալ Ֆաթեհ» էր տեղափոխվել 2023 թ. ամռանը, մասնակցել 43 հանդիպման` դառնալով 9 գոլի ու 11 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից