Պաշտոնական. Ժերոմ Բոատենգը նոր ակումբ ունի

Գերմանացի անվանի պաշտպան Ժերոմ Բոատենգն ազատ գործակալի կարգավիճակում պայմանագիր է կնքել ավստրիական ԼԱՍԿ-ի հետ, հայտնում է ակումբի պաշտոնական կայքը։

35-ամյա պաշտպանը մինչև 2026 թ. հունիսի 30-ը պայմանագիր է կնքել Լինց քաղաքը ներկայացնող ակումբի հետ։

Բոատենգի վերջին ակումբն իտալական «Սալերնիտանան» էր, որի կազմում հանդես էր գալիս 2024 թ. փետրվարից` մասնակցելով միայն 7 հանդիպում։

Բոատենգն առավել հայտնի է Մյունխենի «Բավարիայում» 2011-21 թթ. ունեցած մրցելույթների շնորհիվ։ Նա «ռեկորդ մայսթերի» կազմում 363 խաղում խփել է 10 գոլ, կատարել 25 գոլային փոխանցում։

Բոատենգը նաև 1 գոլի ու 5 գոլային փոխանցման հեղինակ է դարձել նաև Գերմանիայի հավաքականում անցկացրած 76 խաղում։ Ֆուտբոլիստը «բունդեսմանշաֆթի» հետ 2014 թ. դարձել է աշխարհի չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am