Պաշտոնական. Դանիելե դե Ռոսին գլխավորեց Ռոման

Ինչպես տեղեկացնում է «Ռոմայի» պաշտոնական կայքը, ակումբի նոր գլխավոր մարզիչ է նշանակցել Դանիելե դե Ռոսին։

Կողմերը պայմանագիրը կնքել են մինչև 2024 թ. հունիսի 30-ը, որն ունենալու է այն ևս մեկ տարով երկարաձգելու հնարավորություն։

Նշենք, որ 40-ամյա մասնագետը մարզել է միայն Բ Սերիան ներկայացնող ՍՊԱԼ-ը (2022 թ. հոկտեմբեր – 2023 թ. փետրվար), ինչպես նաև Իտալիայի հավաքականում ընդգրկված է եղել Ռոբերտո Մանչինիի մարզչական շտաբում։

Հավելենք, որ Դանիելե դե Ռոսին, որպես ֆուտբոլիստ, կարիերայի մեծ մասը` 2002-2019 թթ. անցկացրել է հենց «Ռոմայի» կազմում, որի մարզաշապիկով անցկացրել է 613 հանդիպում` դառնալով 63 գոլի և 60 գոլային փոխանցման հեղինակ։

Հիշեցնենք, որ հունվարի 16-ին հայտնի դարձավ, որ «ջալոռոսիները» գլխավոր մարզչի պաշտոնից հեռացրել են Ժոզե Մոուրինիոյին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am