Պաշտոնական. Անչելոտին` Բրազիլիայի հավաքանի գլխավոր մարզիչ

Կառլո Անչելոտին կնշանակվի Բրազիլիայի ազգային հավաքականի գլխավոր մարզիչ, հայտնում է երկրի ֆուտբոլային կոնֆեդերացիայի (CBF) մամուլի ծառայությունը։

Ինսայդեր Ֆաբրիցիո Ռոմա էլնոյի տեղեկություններով` իտալացի մասնագետը «Ռեալից» կհեռանա Իսպանիայի Լա լիգայի մրցաշրջանի վերջին տուրից հետո և արդեն հունիսին աշխատանքը կսկսի «պենտակամպիոնների» հետ։ Կողմերն արդեն ստորագրել են բոլոր անհրաժեշտ փաստաթղթերը։

CBF-ը և 65-ամյա մարզիչը պայմանագիր կկնքեն, որն ուժի մեջ կլինի մինչև 2026 թ. հուլիսի 31-ը ներառյալ։

Անչելոտին «Ռեալը» մարզում էր 2021 թ. հուլիսից։ Նա ակումբում աշխատել է նաև 2013-2015 թթ.։ «Արքայական» ակումբը նրա գլխավորությամբ 350 խաղում տարել է 250 հաղթանակ, գրանցել 48 ոչ-ոքի, կրել 52 պարտություն։

«Պապա Կառլոն» մադրիդյան գրանդի պատմության մեջ ամենատիտղոսակիր մարզիչն է, որի հետ հաղթել է 15 մրցաշարում, այդ թվում` երեք անգամ դառնալով Չեմպիոնների լիգայի հաղթող։

«Ռեալում» Անչելոտիին կփոխարինի Չաբի Ալոնսոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից