ՉԼ. Սլովանը հյուրընկալվելիս հաղթեց Զրինսկիին 🎥

Չեմպիոնների լիգայի որակավորման երկրորդ փուլի առաջին խաղում «Սլովան Բրատիսլավան» Բոսնիա և Հերցեգովինայի Մոստար քաղաքում հյուրընկալվելիս մրցեց «Զրինսկիի» դեմ։

Հիմնականում հավասար պայքարում ընթացած խաղում «Սլովանը» հաղթեց 1:0 հաշվով։ Հյուրերին հաղթանակ պարգևեց Շարանի Զուբերուի խփած միակ գոլը։

Նշենք, որ «Սլովանի» կազմից հանդիպմանը մասնակցեց նաև Տիգրան Բարսեղյանը` դաշտում անցկացնելով 67 րոպե։

Հիշեցնենք, որ «Զրինսկին» Չեմպիոնների լիգայի որակավորման առաջին փուլում պայքարից դուրս թողեց Հայաստանի գործող չեմպիոն «Ուրարտուին»` հաղթելով 11-մետրանոցներով։

Հավելենք, որ «Սլովան» – «Զրինսկի» դիմակայության պատասխան հանդիպումը կկայանա օգոստոսի 1-ին Սլովակիայի մայրաքաղաք Բրատիսլավայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am