ՉԼ. Ռեալը դուրս եկավ 1/4 եզրափակիչ 🎥
07/03/2024 - 01:51
Չեմպիոնների լիգայի 1/8 եզրափակիչի պատասխան խաղում «Ռեալ Մադրիդը» «Սանտիագո Բերնաբեու» մարզադաշտում մրցեց «Լայպցիգի» դեմ։
Դիմակայության առաջին խաղում «արքայական» ակումբը հաղթել էր 1:0 հաշվով։
Պատասխան խաղն անցավ բավական համառ պայքարում, որն ավարտվեց 1:1 հաշվով։
«Արքայական» ակումբի կազմից հաշիվը 65-րդ րոպեին բացեց Վինիսիուսը, իսկ հյուրերի պատասխան գոլը երեք րոպե անց խփեց հունգարացի կենտրոնական պաշտպան Վիլի Օրբանը։
Այսպիսով, Կառլո Անչելոտիի թիմն ընդհանուր դիմակայությունում հաղթեց 2:1 հաշվով` դուրս գալով Չեմպիոնների լիգայի 1/4 եզրափակիչ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am