ՉԼ. «Ինտերը» մրցաշարում երբևէ ամենախոշոր հաշվով պարտությունն է կրել

Չեմպիոնների լիգայի եզրափակիչում «Ինտերը» 0:5 հաշվով ջախջախիչ պարտություն է կրել ՊՍԺ-ից ու ակումբային հակառեկորդ գրանցել, հայտնում է Transfermarkt-ը։

«Ներաձուրին» մրցաշարում կրել է ակումբի պատմության մեջ ամենախոշոր հաշվով պարտությունը։

Նախորդ ամենախոշոր հաշվով պարտությունը միլանյան գրանդը Չեմպիոնների լիգայում կրել էր «Արսենալից» 2003 թ. նոյեմբերի 25-ին։ Այդ խաղում «Ինտերը» պարտվել էր 1:5 հաշվով։

«Ինտերը» եվրագավաթային ամենահեղինակավոր մրցաշարում 5 գոլ բաց է թողել նաև «Շալկե-04»-ից 2011 թ. ապրիլի 5-ին` պարտվելով 2:5 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից