ՈՒԵՖԱ-ն կարգապահական վարույթ է սկսել Անգլիա – Դանիա հանդիպման վերաբերյալ

Ինչպես տեղեկացնում է ՈՒԵՖԱ-ի պաշտոնական կայքը, կարագապահական վարույթ է սկսել Եվրո-2020-ի կիսաեզրափակչի Անգլիա 2:1 Դանիա հանդիպման վերաբերյալ։

Բանն այն է, որ երբ այդ հանդիպման 104-րդ րոպեին Անգլիայի հավաքականի ավագ Հարի Քեյնը 11-մետրանոց էր իրացնում, երկրպագուները կանաչ լազերային լույս էին գցել Դանիայի դարպասապահ Կասպեր Շմեյխելի դեմքին` փորձելով խանգարել նրան։

ՈՒԵՖԱ-ն քննելու է նաև երկրպագուների ոչ վայել և անհարգալից պահվածքը Դանիայի օրհներգի ժամանակ։ Բացի դրանից երկրպագուները տրիբունաներում ճայթրուկներ են օգտագործել։

Հաղորդվում է, որ ՈՒԵՖԱ-ի համապատասխան մարմինները մոտ ժամանակներս կուսումնասիրեն այս գործը և հանդես կգան պաշտոնական հայտարարությամբ։

Հիշեցնենք, որ Անգլիայի հավաքականը Եվրո-2020-ի կիսաեզրափակչում հաղթեց Դանիային և պատմության մեջ առաջին անգամ դուրս եկավ Եվրոպայի առաջնության եզրափակիչ, որի շրջանակում հուլիսի 11-ին կմրցի Իտալիայի ընտրանու դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ միացե՛ք նաև GOALART-ի Telegram-ի ալիքին և մասնակցեք ֆուտբոլային տարբեր քննարկումներին` https://t.me/Golarat10