ՉԼ. Շերիֆը հրաշք է գործում` պայքարից դուրս թողնելով Ցրվենա Զվեզդային🎥

Չեմպիոնների լիգայի շրջանակում ընթանում են որակավորման երրորդ փուլի պատասխան հանդիպումները։

Մոլդովական «Շերիֆը», որն որակավորման երկրորդ փուլում պայքարից դուրս թողեց «Ալաշկերտին», որակավորման երրորդ փուլում մրցեց «Ցրվենա Զվեզդայի» դեմ։

Դիմակայության առաջին խաղում գրանցվել էր 1:1 հաշիվը, իսկ Տիրասպոլում կայացած պատասխան խաղում «Շերիֆը», կարելի է ասել, անակնկալ մատուցեց և, հավասար պայքարում ընթացած խաղում, հաղթեց 1:0 հաշվով` նվաճելով որակավորման փլեյ-օֆֆ փուլի ուղեգիր։

Հանդիպման միակ գոլը տուգանայինի խաղարկումից հետո 45+2-րդ րոպեին խփեց «Շերիֆի» կենտրոնական պաշտպան Դանիլո Արբոլեդան։

Հավելենք, որ մոլդովական ակումբն որակավորման փլեյ-օֆֆ փուլում կմրցի «Դինամո Զագրեբ» – «Լեգիա» զույգի հաղթողի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am