Նյուքասլ – Տոտենհեմ հանդիպումն ընդհատվել էր երկրպագուներից մեկի առողջական վիճակի վատթարացման պատճառով🎥

Նյուքասլ – Տոտենհեմ հանդիպումն ընդհատվել էր երկրպագուներից մեկի առողջական վիճակի վատթարացման պատճառով🎥

17/10/2021 - 20:48

Անգլիական Պրեմիեր լիգայի 8-րդ տուրի շրջանակում «Նյուքասլը» սեփական հարկի տակ մրցում է «Տոտեմհեմի» դեմ։

Հանդիպման 40-րդ րոպեին արտառոց դեպք է գրանցվել, ինչի հետևանքով այն դադարեցվել էր տևական ժամանակով։

Բանն այն է, որ «Տոտենհեմի» պաշտպան Սերխիո Ռեգիլոնը, նկատելով, որ «Սեյնթ Ջեյմս-Պարկ» մարզադաշտում ներկա երկրպագուներից մեկի առողջական վիճակը վատացել է և այդ մասին անմիջապես տեղյակ է պահել Անդրե Մարիներին։

Մարիների կարգադրությամբ էլ տվյալ երկրպագուի մոտ են գնացել մարզադաշտի բուժաշխատողները։

«Խցանների» կենտրոնական պաշտպան Էրիկ Դայերի հորդորով դեպքի վայր են մեկնել նաև լոնդոնյան ակումբի բժիկները, որոնց մոտ եղել է անհրաժեշտ բոլոր սարքավորումները, այդ թվում նաև` դեֆիբիլիատոր։

Մրցավարը, հասկանալով, որ այդ գործընթացն երկար է տևելու, տևական ժամանակով հանդիպումը դադարեցրեց, ինչից հետո երկու թիմերի ֆուտբոլիստները ուղևորվեցին դեպի հանդերձարան։

Հանդիպումը կանգնած է եղել մոտ 20 րոպե, սակայն, այժմ արդեն այն շարունակվում է և առաջին խաղակեսից հետո «Տոտենհեմը» հաղթում է 3:1 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023