«Նապոլին» ընդհատեց «Յուվենտուսի» անպարտելության շարքը` հաղթելով թուրինյան գրանդին 🎥

Իտալիայի Ա սերիայի 22-րդ տուրի կենտրոնական խաղում «Նապոլին» «Դիեգո Արմանդո Մարադոնա» ստադիոնում մրցեց «Յուվենտուսի» դեմ։

Համառ պայքարում նեապոլյան ակումբը 2:1 հաշվով կամային հաղթանակ տարավ։

Թուրինյան ակումբից 43-րդ րոպեին հաշիվը բացեց թիմի նորեկ Ռանդալ Կոլո Մուանին, որին Անտոնիո Կոնտեի գլխավորած թիմը 57-րդ ու 69-րդ րոպեներին պատասխանեց Անդրե-Ֆրանկ Զամբո Անգիսայի ու Ռոմելու Լուկակուի գոլերով։

«Նապոլին» վաստակեց 53 միավոր և շարունակում է գլխավորել մրցաշարային աղյուսակը, «Յուվենտուսը» 37 միավորով 5-րդ տեղում է։

Նշենք, որ «բիանկոներիներն» Ա սերիայի ընթացիկ մրցաշրջանում կրեց առաջին պարտությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից