Յուվենտուսը հաղթեց Սամպդորիային` ընդհուպ մոտենալով առաջատար եռյակին🎥

Իտալական Ա սերիայի 29-րդ տուրի շրջանակում «Յուվենտուսը» հյուրընկալվելիս մրցեց «Սամպդորիայի» դեմ։

Թուրինյան ակումբը բավական գրագետ հանդիպում անցկացրեց` հաղթելով 3:1 հաշվով։

Մասիմիլիանո Ալեգրիի թիմի կազմից դուբլի հեղինակ դարձավ Ալվարո Մորատան, տանտերերի պաշտպան Մայա Յոսիդան էլ գրավեց սեփական դարպասը, իսկ «Սամպդորիայի» միակ գոլը խփեց Աբդելհամիդ Սաբիրին։

Այս հաղթանակից հետո «բյանկոներիները» վսստակեցին 56 միավոր և զբաղեցնում են 4-րդ հորիզոնականը։

«Յուվենտուսն» ընդհուպ մոտեցավ առաջատար եռյակին. «Միլանն» իր ակտիվում ունի 60, «Ինտերը»` 58, իսկ «Նապոլին»` 57 միավոր։

«Սամպդորիան», 26 միավորով, 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am