Յոսիպ Իլիչիչի տպավորիչ անցումն ու գոլը Ռոմային դարպասին🎥

Իտալական Ա սերիայի 13-րդ տուրի շրջանակում «Ատալանտան» սեփական հարկի տակ 4։1 հաշվով ջախջախեց «Ռոմային»։

Այդ խաղում փայլուն հանդիպում անցկացրեց «Ատալանտայի» կիսապաշտպան Յոսիպ Իլիչիչը, ով, դուրս գալով փոխարինման, դարձավ երկու գոլային փոխանցման և մեկ գոլի հեղինակ։

Սլովենացի ֆուտբոլիստի խփած գոլը կարելի է անվերջ դիտել։ Նա հարձակման աջ եզրում ստացավ գնդակը, ճանապարհին շրջանցեց 2-3 մրցակիցի, ներխուժեց տուգանային հրապարակ և ձախ ոտքի հարվածով հաշիվը դարձրեց 4։1՝ դնելով խաղի վերջակետը։