Յամալը «Ռեալի» նորեկին անվանել է «Իմ նոր սերը» 📸
Իսպանիայի հավաքականը մարզական հավաք է անցկացնում և պատրասրվում է Ազգերի լիգայի խաղարկության եզրափակիչ հատվածին։
«Ֆուրիա ռոխայի» մամուլի ծառայությունը «Բարսելոնայի» վինգեր Լամին Յամալի ու Մադրիդի «Ռեալի» նորեկ Դին Հաուսենի մասնակցությամբ լուսանկարներ է հրապարակել։
Յամալն այդ հրապարակման մեկնաբանություններում գրել է. «Իմ նոր սերը»։ Հաուսենը նրան պատասխանել է. «Իմ որդի»։
Նշենք, որ Յամալն իսպաներեն գրել է «Mi nuevo jugete» արտահայտությունը, որը բառացի հայերեն թարգմանվում է «իմ նոր խաղալիքը»։ Այդուհանդերձ, դրական համատեքստում այն նշանակում է որպես «իմ նոր սերը»։
Իսպանիայի հավաքականն հունիսի 6-ին Ազգերի լիգայի խաղարկության կիսաեզրափակիչում կմրցի Ֆրանսիայի թիմի դեմ։ Հանդիպման մեկնարկը` Երևանի ժամանակով 23:00-ին։
Հիշեցնենք, որ Դին Հաուսենը վերջերս է «Բորնմութից» 59,5 միլիոն եվրոյով տեղափոխվել Մադրիդի «Ռեալ»։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Բարսելոնա, Դին Հաուսեն, Իսպանիայի հավաքական, Լամին Յամալ, Ռեալ Մադրիդ, տրանսֆերներ