Յամալը գերազանցել է Պելեի` ևս մեկ անվանական ռեկորդ

Եվրո-2024-ի երզրափակիչում Իսպանիայի հավաքականը 2:1 հաշվով հաղթեց Անգլիային` դառնալով Եվրոպայի քառակի չեմպիոն։

Իսպանացիների կազմից հանդիպմանը մասնակցել է նաև «Բարսելոնայի» վինգեր Լամին Յամալը, որը 47-րդ րոպեին գոլային փոխանցում կատարեց Նիկո Վիլիամսին։

Opta-ն գրում է, որ Յամալը 17 տարեկան և 1 օրականում դարձել է խոշոր մրցաշարերի եզրափակիչներին մասնակցած ամենաերիտասարդ ֆուտբոլիստը։ Նա գերազանցել է «ֆուտբոլի արքա» Պելեի ռեկորդը։ Պելեն ԱԱ-1958-ի եզրափակիչին Բրազիլիայի հավաքականի կազմում մասնակցել է 17 տարեկան և 249 օրական հասակում։

Յամալը Եվրոպայի ավարտված առաջնությունում 7 խաղում խփել է 1 գոլ, կատարել 4 գոլային փոխանցում։ Պատանի ֆուտբոլիստը մրցաշարի լավագույն ասիստենտն է։

Հիշեցնենք` Յամալը Եվրո-2024-ի կիսաեզրափակիչում 16 տարեկան և 362 օրականում գրավել էր Ֆրանսիայի դարպասն ու դարձել խոշոր մրցաշարերում գոլ խփած ամենաերիտասարդ ֆուտբոլիստը։ Նա գերազանցել էր Պելեի ռեկորդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am