Մխիթարյանը կրկնեց Զլատան Իբրահիմովիչի, Ջոն Քարյուի և Ադրիան Մուտուի տպավորիչ ցուցանիշը

Չեմպիոնների լիգայի 5-րդ տուրում «Ինտերը» C խմբի շրջանակում սեփական հարկի տակ 4:0 հաշվով ջախջախեց «Վիկտորիա Պլզենին»։

Միլանյան ակումբի կազմից հանդիպմանը մասնակցեց նաև Հենրիխ Մխիթարյանը, ով 35-րդ րոպեին դարձավ նաև գոլի հեղինակ։

Ինչպես տեղեկացնում է Gracenote Live-ը, հայազգի ֆուտբոլիստը դարձել է միայն չորրորդ ֆուտբոլիստը, ով եվրագավաթային մրցաշարերում գոլի հեղինակ է դարձել 7 տարբեր ակումբների կազմում` կրկնելով Զլատան Իբրահիմովիչի, Ջոն Քարյուի և Ադրիան Մուտուի ցուցանիշը։

Նշենք, որ Մխիթարյանը, «Ինտերից» բացի, եվրագավթային մրցաշարերի շրջանակում գոլի հեղինակ դարձել է նաև «Մետալուրգ Դոնեցկի», «Շախտյոր Դոնեցկի» «Բորուսիա Դորտմունդի», «Մանչեսթեր Յունայթեդի», «Արսենալի» և «Ռոմայի» կազմում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am