Մի շարք անվանի ֆուտբոլիստներ չեն ընգրկվելու Գերմանիայի հավաքականի հայտացուցակում

Գերմանիայի հավաքականի գլխավոր մարզիչ Յուլիան Նագելսմանն այսօր` մայիսի 16-ին, հրավիրված հատուկ մամուլի ասուլիսի ժամանակ կհրապարակի այն ֆուտբոլիստների անունները, որոնք ընդգրկվելու են Եվրո-2024-ի հայտացուցակում։

Գերմանական ֆուտբոլին մոտ կանգնած աղբյուրներին հաջողվել է պարզել, որ մի շարք անվանի ֆուտբոլիստներ չեն ընգրկվելու «բունդեսմանշաֆթի» հայտացուցակում։

Այսպես, Sky Sports Deutschland-ի թղթակից Ֆլորիան Պելետենբետգը X-ի (նախկինում` Twitter) իր միկրոբլոգում գրում է, որ առաջիկա Եվրոպայի առաջնությունը վնասվածքի պատճառով բաց է թողնելու Մնունխենի «Բավարիայի» վինգեր Սերժ Գնաբրին։

Աղբյուրի փոխանցմամբ` հայտացուցակում չեն ընգրկվելու նաև Տիմո Վերները («Տոտենհեմ»), Նիկլաս Զյուլեն («Բորուսիա Դորտմունդ), Յան-Նիկլաս Բեսթեն («Հայդենհայմ»)։

Ավելի վաղ հայտնի էր դարձել, որ Եվրոն բաց է թողնելու նաև Դորտմունդի «Բորուսիայի» կենտրոնական պաշտպան Մասթս Հումելսը։

Հավելենք, որ Յուլիան Նագելսմանի մամուլի ասուլսը Երևանի ժամանակով մեկնարկելու է 15:00-ից սկսած։

Հիշեցնենք, որ Գերմանիայի հավաքականն առաջիկա Եվրոպայի առաջնության տանտերն է։ «Բունդեսմանշաֆթը» մրցաշարի A խմբում մրցելու է Շոտլանդիայի, Շվեյցարիայի ու Հունգարիայի հավաքականների դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am