«Միլանը» հետաքրքրված է բազմաթիվ ֆուտբոլիստների ծառայություններով

«Միլանը» ծրագրում է ամռանը լուրջ փոփոխություններ կատարել թիմում, գրում է Football Italia-ն։

«Ռոսոներիները» հետաքրքրված են բազմաթիվ խաղացողների ծառայություններով և մտադիր են ձեռք բերել մի շարք իտալացի ֆուտբոլիստների։

Ակումբը պատրաստ է գնել Ֆեդերիկո Կիեզայի («Լիվերպուլ»), Լորենցո Լուկայի («Ուդինեզե»), Ռիկարդո Օրսոլինիի («Բոլոնիա»), Բրայան Քրիստանտեի, Լորենցո Պելեգրինիի (երկուսն էլ` «Ռոմա»), Դավիդե Ֆրատեզիի («Ինտեր»), Դեսթինի Ուդոջիի («Տոտենհեմ»), Դիեգո Կոպոլայի («Վերոնա») և Պիետրո Կոմուցոյի («Ֆիերոնտինա») տրանսֆերը։

Իտալական գրանդից ամենահավանական հեռացնողների թվում է Թեո Էրնանդեսը, որի վարքագծից և խաղից ակումբի ղեկավարները դժգոհ են։

Սպասվում է, որ «Միլանում» նաև մարզչական փոփոխություն տեղի կունենա. Սերժիու Կոնսեյսաուն կլքի գլխավոր մարզչի պաշտոնը։ Պորտուգալացի մասնագետին փոխարինելու հիմնական թեկնածուներն են Ռոբերտո Դե Ձերբին («Մարսել»), Անտոնիո Կոնտեն («Նապոլի») և Մասիմիլիանո Ալեգրին։

Բացի այդ, ակումբի նոր սպորտային տնօրեն է նշանակվելու անվանի ֆունկցիոներ Ֆաբիո Պարատիչին։

Հիշեցնենք, որ «Միլանն» Ա սերիայի ընթացիկ մրցաշրջանում 30 խաղում 47 միավոր է վաստակել և 9-րդ տեղում է։ «Ռոսոներիներն» դուրս են մնացել Չեմպիոնների լիգայից, իսկ Իտալիայի գավաթի խաղարկությունում հասել են կիսաեզրափակիչ, որի առաջին խաղում ոչ-ոքի (1:1) են գրանցել «Ինտերի» հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից