Մարկոս Պիզելին ավարտում է ֆուտբոլիստի կարիերան
Հայաստանի գործող չեմպիոն «Արարատ-Արմենիայի» մամլո ծառայությունը տեղեկացնում է, որ Հայաստանի ազգային հավաքականի նախկին ֆուտբոլիստ Մարկոս Պիզելին ավարտում է ֆուտբոլիստի կարիերան։ Ակումբը Facebook-ի պաշտոնական էջում կատարել հետևյալ գրառումը․
«ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ
«Արարատ-Արմենիա» ֆուտբոլային ակումբի ֆուտբոլիստ Մարկոս Պիզելլին ավարտում է ֆուտբոլիստի կարիերան:
Բրազիլիայում անհատական պարապմունքների ժամանակ ստացած վնասվածքի պատճառով Մարկոսը հավելյալ բուժզննում անցավ Հայաստանում և պարզ դարձավ, որ ֆուտբոլիստին անհրաժեշտ է վիրահատություն, որից նա հրաժարվեց և որոշեց ավարտել իր կարիերան:
Քիչ անց կհրապարակենք տեսանյութ, որում Մարկոսը մանրամասն ներկայացնում է պատճառները:
Շնորհակալություն ենք հայտնում Մարկոսին և մաղթում հաջողություններ»:
Բրազիլիացի ֆուտբոլիստը վերջերս էր պայմանագիր կնքել ակումբի հետ, սակայն չի հացրել որևէ հանդիպում անցկացնել «Արարատ-Արմենայի» կազմում։ Հայաստանի հավաքականի կազմում անցկացրած 63 խաղում կիսապաշտպանը խփել է 10 գոլ:
# Արարատ-Արմենիա, Հայաստանի-հավաքական, Մարկոս-Պիզելի