Հիասքանչ Այաքս! Տեն Հագի թիմը հաղթեց Բորուսիային` նվաճելով 1/8 եզրափակիչի ուղեգիր🎥
Չեմպիոնների լիգայի խմբային փուլի 4-րդ տուրում «Այաքսը» C խմբի շրջանակում հյուրընկալվելիս մրցեց «Բորուսիա Դորտմունդի» դեմ։
Առաջ ընկնելով` նշենք, որ հոլանդական ակումբը շարունակում է հիացնել ու կրկին հաղթեց «Բորուսիային»` այս անգամ 3:1 հաշվով։
Էրիկ Տեն Հագի սաները մինչև 72-րդ րոպեն պարտվում էր 0:1 հաշվով (դորտմունդյան ակումբը 37-րդ րոպեին Մարկո Ռոյսի խփած գոլի շնորհիվ առաջ էր անցել հաշվի մեջ), սակայն կարողացավ խաղավարտին գեղեղիկ comeback իրականացնել ու հաղթել 3:1 հաշվով։
«Այաքսի» կազմից գոլերը խփեցին Դուշան Տադիչը, Սեբաստիան Հալերը և Դևի Կլասենը։
Հանուն արդարարության` նշենք, որ դորտմունդյան ակումբը 29-րդ րոպեից խաղում էր 10 ֆուտբոլիստներով. կոպիտ խաղի համար դաշտից հեռացվել էր թիմի ավագ Մաթս Հումելսը։
Այս խմբում կայացել է ևս մեկ հանդիպում.
«Սպորտինգ Լիսաբոն» 4:0 «Բեշիկթաշ»
4-րդ տուրից հետո C խումբն ունի հետևյալ տեսքը.
- «Այաքս» – 12 միավոր
- «Բորուսիա Դորտմունդ»- 6 միավոր
- «Սպորտինգ» – 6 միավոր
- «Բեշիկթաշ» – 0 միավոր
Այսպիսով, «Այաքսը» նվաճեց Չեմպիոնների լիգայի 1/8 եզրափակիչի ուղեգիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am