Հենրիխ Մխիթարյանը գրառում է կատարել Արցախի իրավիճակի մասին

Հայաստանի հավաքականի նախկին ավագ Հենրիխ Մխիթարյանը սոցցանցերի իր էջերում գրառում է կատարել Արցախում ստեղծված իրավիճակի մասին.

«Արդեն 8 ամիս է Լեռնային Ղարաբաղում ավելի քան 30 000 երեխա և նրանց ընտանիքները ենթարկվում են շրջափակման և ավերածությունների:

Փակված լինելով իրենց հայրենիքում՝ նրանք գտնվում են սովի և հումանիտար աղետի եզրին` չունենալով կյանքեր փրկող դեղամիջոցներ, սնունդ կամ այլ անհրաժեշտ պարագաներ։

Սովից մահացած մարդկանց սրտաճմլիկ իրականությունն աղետ է, որը պահանջում է անհապաղ գործողություններ: Երեխաները չպետք է տեսնեն այս պատերազմը, որպեսզի սկսեն բուժվել և ապաքինվել:

Լաչինի միջանցքով պետք է թույլատրվի մարդասիրական օգնության անարգել մուտքը»,- գրել է 34-ամյա ֆուտբոլիստը։

Հիշեցնենք, որ դեռևս 2022 թ. դեկտեմբերի 12-ից Ադրբեջանն անօրինական կերպով փակել է Լաչինի միջանցքը` զրկելով Արցախին Հայաստանին կապող միակ ցամաքային ճանապարհից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am