Հայտնի է Միկել Արտետայի մարզչական շտաբը

Լոնդոնի «Արսենալը» պաշտոնական կայքում հրապարել է այն մասնագետների անունները, ովքեր ընդգրկվել են նորանշանակ գլխավոր մարզիչ Միկել Արտետայի շտաբում։

Իսպանացի մասնագետին կօգնեն Ֆրեդերիկ Յունգբերգը, Ալբերտ Սթեյվենբերգը, Սթիվ Ռաունդը, ինչպես նաև Ինյակի Կանյա Պավոնը։

Հիշեցնենք, որ մոտ մեկ ամիս առաջ ակումբը գլխավոր մարզիչ պաշտոնից հեռացրել էր Ունայի Էմերիին, իսկ ժամանակավոր պաշտոնակատար էր աշխատում Ֆրեդի Յունգբերգը։ Արտետայի օգնականներից Ալբերտ Սթեյվենբերգը համատեղելու է երկու պաշտոն, քանի որ Ուելսի հավաքականում հանդիսանում է Ռայան Գիգզի օգնականը։