Հայտնի դարձան ՉԼ որակավորման երկրորդ փուլի բոլոր զույգերը

Հուլիսի 19-ին ավարտվեց Չեմպիոնների լիգայի 2023/24 խաղարկության որակավորման առաջին փուլը։

Առաջին փուլի արդյունքներով «Ժալգիրիսը» (Լիտվա), «Լյուդոգորեցը» (Բուլղարիա), «Օլիմպիա Լյուբլյանան» (Սլովենիա), «Ռակուվը» (Լեհաստան), «Քարաբախը» (Ադրբեջան), «Կլակսվիկը» (Ֆարերյան Կղզիներ), «Հեկենը» (Շվեդիա), ՀԻԿ-ը (Ֆինալնդիա), «Բրեյդաբլիկը» (Իսլանդիա), «Շերիֆը» (Մոլդովա), «Մաքքաբի Հայֆան» (Իսրայել), ԲԱՏԷ-ն (Բելառուս), «Զրինսկին» (Բոսնիա և Հերցեգովինա), «Սլովան Բրատիսլավան» (Սլովակիա) և «Աստանան» (Ղազախստան) նվաճեցին որակավորման երկրորդ փուլի ուղեգիր։

Որակավորման երկրորդ փուլից պայքարն սկսելու են նաև «Գալաթասարայը» (Թուրքիա), «Մոլդեն» (Նորվեգիա), «Կոպենհագենը» (Դանիա), «Արիսը» (Կիպրոս), «Դինամո Զագրեբը» (Խորվաթիա), «Դնեպր–1»-ը (Ուկրաինա), «Սերվետը» (Շվեյցարիա), «Պանատինայկոսը» (Հունաստան) և «Գենկը» (Բելգիա)։

Որակավորման երկրորդ փուլում կայանալու են հետևյալ դիմակայությունները.

«Ժալգիրիս» – «Գալաթասարայ»

«Լյուդոգորեց» – «Օլիմպիա Լյուբլյանա»

«Ռակուվ» – «Քարաբախ»

«Կլակսվիկ» – «Հեկեն»

ՀԻԿ – «Մոլդե»

«Բրեյդաբլիկ» – «Կոպենհագեն»

«Շերիֆ» – «Մաքքաբի Հայֆա»

«Արիս» – ԲԱՏԷ

«Զրինսկի» – «Սլովան»

«Դինամո Զագրեբ» – «Աստանա»

«Դնեպր-1» – «Պանատինայկոս»

«Սերվետ» – «Գենկ»

Հավելենք, որ որակավորման երկրորդ փուլի առաջին հանդիպումները կայանալու են հուլիսի 25-26-ին, իսկ պատասխան խաղերն` օգոստոսի 1-2-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am