Կոտ դ’Իվուարի կատարյալ ֆիասկոն. «փղերը» ջախջախիչ պարտություն կրեցին Հասարակածային Գվինեայից🎥
Աֆրիկայի ազգերի գավաթի 3-րդ տուրում Կոտ դ’Իվուարի հավաքականն A խմբի շրջանակում Աբիջանում մրցեց Հասարածային Գվինեայի ընտրանու դեմ։
Առաջ ընկնելով` նշենք, որ բավական խոշոր անակնկալ գրանցվեց, քանի որ «փղերը» սեփական երկրպագուների ներկայությամբ 0:4 հաշվով ջախջախիչ պարտություն կրեցին։
Հասարակածային Գվինեայի կազմից դուբլի հեղինակ դարձավ Էմիլիո Նսուեն, ով մրցաշարի ընթացիկ խաղարկությունում խփել է արդեն 5 գոլ և գլխավորում է լավագույն ռմբարկուների ցուցակը։
Խուան Միչայի թիմից մեկական անգամ էլ աչքի ընկան Պաբլո Գանեթն ու Յանիկ Բույլան։
Հատկանշական է, որ Հասարակածային Գվինեան կրկնել է իր պատմությա հաշվով տոնած հաղթանակը։
Մինչ այս հասարակածայինգվինեացիներն ամենախոշոր հաշվով հաղթանակը տոնել էին 2016 թ. սեպտեմբերի 4-ին, երբ Աֆրիկայի ազգերի գավաթի որակավորման փուլի շրջանակում 4:0 հաշվով առավելության էին հասել Հարավային Սուդանի նկատմամբ։
Ընդ որում, Կոտ դ’Իվուարն էլ Աֆրիկայի ազգերի գավաթի շրջանակում կրել է իր պատմության ամենախոշոր հաշվով պարտությունը։
Մինչ այս մրցաշարի շրջանակում իվուարցիների ամենախոշոր հաշվով պարտությունը գրանցվել էր 1965 թ. նոյեմբերի 19-ին, երբ 1:4 հաշվով զիջել էին Գանային։
Հավաքականն այդ ցուցանիշը «կրկնել» էր 2008 թ. փետրվարի 7-ին` նույն` 1:4 հաշվով զիջելով Եգիպտոսին։
Հավելենք, որ A խմբում 3-րդ տուրի շրջանակում կայացել է ևս մեկ հանդիպում.
Գվինեա Բիսաու 0:1 Նիգերիա
Խումբը վերջնական ստացավ հետևյալ տեսքը.
- Հասարակածային Գվինեա – 7 միավոր
- Նիգերիա – 7
- Կոտ դ’Իվուար – 3
- Գվինեա Բիսաու – 0
Այսպիսով, Հասարակածային Գվինեայի ու Նիգերիայի հավաքականները դուրս եկան Աֆրիկայի ազգերի գաբաթի 1/8 եզրափակիչ։
Կոտ դ’Իվուարն էլ 3-րդ հորիզոնականը զբաղցնող հավաքականների շրջանակում դեռևս լավագույն արդյունքն ունի, սակայն պետք է սպասի խմբային փուլի ավարտին` հասկանալու համար` շարունակում է պայքարը, թե` ոչ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Աֆրիկայի ազգերի գավաթ, Էմիլիո Նսուե, Կոտ դ'Իվուարի հավաքական, Հասարակածային Գվինեայի հավաքական, Նիգերիայի հավաքական