Կադիսի ֆուտբոլիստները` Վինիսիուսին. «Ո՞ւմ տեղն ես քեզ դրել` Պելեի՞»

Իսպանական Լա լիգայի 14-րդ տուրում «Ռեալ Մադրիդը» սեփական հարկի տակ 2:1 հաշվով հաղթեց «Կադիսին»։

Ինչպես հայտնում է El Partidazo de COPE-ն, հանդիպման ընդմիջմանը երկու թիմերի ֆուտբոլիստների միջև փոքրիկ միջադեպ է տեղի ունեցել։

Բանն այն է, որ հյուրերի ֆուտբոլիստներ Ֆալին, Ֆեդե Սան-Էմետորիոն և Իվան Ալեխոն դժգոհ են եղել «Ռեալի» վինգեր Վինիսիուսի պահվածքից ու մոտեցել են նրան` փորձելով հաշիվ մաքրել բրազիլացի հարձակվողից։

Աղբյուրի փոխանցմամբ` «Կադիսի» ֆուտբոլիստները հարց են տվել Վինիսիուսին.

«Ո՞ւմ տեղն ես քեզ դրել` Պելեի՞»։

Նշվում է, որ բարեբախտաբար, ամեն ինչ հարթվել է և կողմերի միջև բախում տեղի չի ունեցել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am