Խոակինը կրկնել է իր հանրահայտ մերկ լուսանկարը📸
Իսպանիայի գավաթի եզրափակիչում «Բետիսը» 11-մետրանոց հարվածաշարի օգնությամբ հաղթեց «Վալենսիային». հանդիպման հիմնական ժամանակն ավարտվեց 1:1 հաշվով։
Հանդիպումից հետո անդալուսական ակումբի ֆուտբոլիստները Սևիլիայի «Լա Կարտուխա» մարզադաշտի հանդերձարանում տոնել են իրենց հաջողությունը, որի ընթացքում «վերդիբլանկոսի» կիսապաշտպան Խոակինը կրկնել է իր հանրահայտ լուսանկարը` մերկ վիճակում նկարվելով Իսպանիայի գավաթի հետ։
Այդ լուսանկարը հրապարակել է «Բետիսի» մամուլի ծառայությունը։
Բանն այն է, որ Խոակինը 2008 թվականին «Վալենսիայի» կազմում կրկին դարձել էր Իսպանիայի գավաթակիր, ինչից հետո մերկ վիճակում լուսանկարվել էր գավաթի հետ` պայթեցնելով մամուլը։
Հավելենք, որ Խոակինը «Բետիսի» սան է, որ կազմում մինչ օրս անցկացրել է 447 հանդիպում` դառնալով 61 գոլի և 44 գոլային փոխանցման հեղինակ։
40-ամյա ֆուտբոլիստը ժամանակին հանդես է եկել նաև «Վալենսիայի», «Մալագայի» ու «Ֆիորենտինայի» կազմում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
![](https://interfootball.am/wp-content/uploads/2022/04/IMG_20220426_093935-907x1024.jpg)
![](https://interfootball.am/wp-content/uploads/2022/04/IMG_20220425_235109-1024x566.jpg)