Լիդսը ջախջախիչ հաղթանակով դուրս եկավ Չեմպիոնշիփի փլեյ-օֆֆ-ի եզրափակիչ 🎥

Անգլիայի երկրորդ դիվիզիոնի` Չեմպիոնշիփի, փլեյ-օֆֆ-ի կիսաեզրափակիչի պատասխան խաղում «Լիդսը» սեփական մարզադաշտում մրցեց «Նորվիչի» դեմ։

Դիմակայության առաջին խաղում գրանցվել էր 0:0 հաշիվը։

Պատասխան խաղի արդեն առաջին կեսում տանտերերը վճռեցին հանդիպման ելքը և երեք գնդակ ուղարկեցին մրցակցի դարպասը։ Երկրորդ 45 րոպեների ընթացքում յորքշիրյան ակումբն առավելությանն ավելացրեց ևս մեկ գոլով` հաղթելով 4:0 հաշվով։

Դանիել Ֆարկեի թիմի գոլերը խփեցին Իլիան Գրուևը, Յոել Պիրուն, Ժորժինիո Ռատերն ու Քրիսենսիո Սամերվիլը։

Այսպիսով, «Լիդսը» դուրս եկավ Չեմպիոնշիփի փլեյ-օֆֆ-ի եզրափակիչ, որտեղ մայիսի 26-ին Լոնդոնի «Ուեմբլի» մարզադաշտում մրցելու է «Սաութհեմփթոն» – «Վեսթ Բրոմվիչ» զույգի հաղթողի դեմ։ Այդ դիմակայության առաջին խաղն ավարտվել է 0:0 հաշվով, իսկ պատասխան հանդիպումը կկայանա մայիսի 17-ին։

Չեմպիոնշիփի փլեյ-օֆֆ-ի հաղթողը հաջորդ մրցաշրջանում հանդես կգա անգլիական Պրեմիեր լիգայում։

Հիշեցնենք, որ Պրեմիեր լիգայի ուղեգիր արդեն նվաճել են Չեմպիոնշիփի հաղթող «Լեսթերը» և երկրորդ տեղը զբաղեցրած «Իպսվիչ Թաունը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am