Լացիոն բաց թողեց երկրորդ հորիզոնական բարձրանալու հնարավորությունը?

Իտալական Ա սերիայի շրջանակում կայացավ 17-րդ տուրից հետաձգված «Լացիո» – «Վերոնա» հանդիպումը։

Վիճակագրական առումով բացարձակ հավասար ընթացած խաղում կողմերին այդպես էլ չհաջողվեց բացել հանդիպման հաշիվը։ Գրանցվեց 0։0 հաշիվը։ Սակայն, նշենք, որ հռոմեական ակումբի գրոհներն ավելի սուր և վտանգավոր էին։

Այսպիսով, «Լացիոն» անչափ կարևոր երկու միավոր կորցրեց և ձեռքից բաց թողեց երկրորդ հորիզոնական բարձրանալու հնարավորությունը։ Սիմոնե Ինձզագիի սաները վաստակեցին 50 միավոր և զբաղեցնում են 3-րդ հորիզոնականը։ «Արծիվները» 1 միավոր զիջում են «Ինտերին», իսկ առաջատար «Յուվենտուսին»՝ 4 միավոր։ «Վերոնան» 31 միավորով 9-րդն է։