Լապորտան ու Ռայոլան հանդիպում են ունեցել Թուրինում

Ինչպես տեղեկացնում է իտալացի ինսայդեր Ֆաբրիցիո Ռոմանոն, «Բարսելոնայի» նախագահ Ժոան Լապորտան, ով ներմայումս ակումբի պատվիրակության հետ գտնվում է Թուրինում և մասնակցում է «Golden Boy»-ի մրցանակաբաշխությանը, հանդիպում է ունեցել հանրահայտ ֆուտբոլային գործակալ Մինո Ռայոլայի հետ։

Աղբյուրի փոխանցմամբ` հանդիպմանը ներկա է եղել նաև «բլաուգրանասի» գործադիր տնօրեն Մատեու Ալեմանին։

Հաղորդվում է, որ այդ հանդիպումը պատահական չի եղել և չի կայացել այն հյուրանոցում, որտեղ հանգրվանել է «Բարսելոնան», այլ այն ծրագրված է եղել դեռ նախորդ շաբաթ։

Նշվում է, որ Ռայոլան ու Լապորտան արդեն տարիներ շարունակ հիանալի հարաբորություններ ունեն։

Կողմերը, ամենայն հավանականությամբ, քննարկել են Էրլինգ Հալանդի («Բորուսիա Դորտմունդ») և Պոլ Պոգբայի` («Մանչեսթեր Յունայթեդ») դեպի «Բարսելոնա» հավանական տրանսֆերները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am