Լապորտան մտադիր է դատի տալ Բարտոմեուին

«Բարսելոնայի» նախագահ Ժոան Լապորտան մտադիր է դատական հայց ներկայացնել նախկինում այդ պաշտոնը զբաղեցրած Խոսեպ Մարիա Բարտոմեուի դեմ` անբարեխիղճ աշխատանքի համար։

Ինչպես տեղեկացնում է El Confidencial-ը, Լապորտան քրեական գործերով զբաղվող իրավաբան է արդեն վարձել, ով պետք է հետաքննի այդ ամենը։

Լապորտան մտադիր է քրեական պատասխանատվության ենթարկել Բարտոմեուին ու նրա տնօրենների խորհրդին, որպեսզի վերջիններս փոխհատուցեն նրանց կառավարման օրոք գրանցված ակումբի 487 մլն եվրոյի վնասը, որը շարունակում է աճել։

Հիշեցնենք, որ Խոսեպ Մարիա Բարտոմեուն «Բարսելոնայի» նախագահի պաշտոնը զբաղեցրել է 2014-2020 թթ. , իսկ Լապորտան այն ստանձնել է 2021 թ. մարտին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am