Լայպցիգը ֆանտաստիկ comeback-ով ընդհատեց Բայերի անպարտելիության անհավանական շարքը🎥

Գերմանական Բունդեսլիգայի երկրորդ տուրում «Լայպցիգը» հյուրընկալվելիս մրցեց գործող չեմպիոն «Բայերի» դեմ։

«Բայերը» առաջին կեսում Ժերեմի Ֆրիմպոնգի ու Ալեքս Գրիմալդոյի խփած գոլերի շնորհիվ երկու գնդակի առավելություն ստացավ։

Այդուհանդերձ, «Լայպցիգը» արեց գրեթե անհնարինը։ «Ցլերը» հետագայում երեք գոլ խփեցին, ֆանտաստիկ comeback արեցին և հաղթեցին 3:2 հաշվով։

Մարկո Ռոզեի գլխավորած թիմից դուբլի հեղինակ դարձավ Լոյի Օպենդան, մեկ գոլ էլ խփեց Կևին Կամպլը։

«Լայպցիգը» 6 միավորով գլխավորեց Բունդեսլիգայի մրցաշարային աղյուսակը, Խաբի Ալոնսոյի գլխավորած «Բայերը» 3 միավորով 9-րդն է։

Նշենք, որ այս խաղով ընդհատվեց Գերմանիայի առաջնությունում «Բայերի» անպարտելիության 35 խաղից բաղկացած անհավանական շարքը։ Բունդեսլիգայում «դեղագործները» նախորդ անգամ պարտվել էին դեռ 2022/23 մրցաշրջանում, երբ 34-րդ տուրում 0:3 հաշվով զիջեցին «Բոխումին»։

Հիշեցնենք, որ «Բայերը» նախորդ ամբողջ մրաշրջաբում ներքին առաջնությունում եղել է անպարտելի և 90 միավորով պատմության մեջ առաջին անգաշ դարձել է չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am