Իտալիայի գավաթ. Միլանը ֆանտաստիկ խաղով ջախջախել է Սասուոլոյին 🎥

Իտալիայի գավաթի խաղարկության 1/8 եզրափակիչում «Միլանը» «Սան Սիրո» մարզադաշտում մրցեց Բ սերիան ներկայացնող «Սասուոլոյի» դեմ։

«Ռոսոներիները» ֆանտաստիկ հանդիպում անցկացրին` մրցակցին ջախջախելով 6:1 հաշվով։

Պաուլու Ֆոնսեկայի գլխավորած թիմից դուբլ գրանցեց Սամու Չուկվուեզեն, մեկական գոլ էլ խփեցին Տիջանի Ռեյնդերսը, Ռաֆայել Լեաուն, Դավիդե Կալաբրիան ու Թեմի Աբրահամը։ «Սասուոլոյից» աչքի ընկավ Սամուելե Մուլատիերին։

Միլանյան գրանդը պայքարը կշարունակի գավաթի քառորդ եզրափակիչում, որտեղ մրցելու է «Ռոմա» – «Սամպդորիա» դիմակայության հաղթողի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից