Իտալիայի գավաթ. «Բոլոնիան» մոտ է 51 տարի անց եզրափակիչ դուրս գալուն 🎥
Իտալիայի գավաթի խաղարկության կիսաեզրափակիչի առաջին խաղում «Բոլոնիան» մրցակցի դաշտում մրցեց «Էմպոլիի» դեմ։
Հյուրերը հանդիպման ամբողջ ընթացքում ունեին խաղային ու տարածքային լուրջ առավելություն և հաղթեցին 3:0 հաշվով։
Վինչցենո Իտալյանոյի գլխավորած թիմից դուբլ ձևակերպեց Թայս Դալինգան, մեկ գոլ էլ խփեց Ռիկարդո Օրսոլինին։
Դիմակայության պատասխան հանդիպումը կկայանա ապրիլի 24-ին «ռոսոբլուի» ստադիոնում։
Նշենք, որ «Բոլոնիան» մոտ է 51 տարի անց Իտալիայի գավաթի խաղարկության եզրափակիչ դուրս գալուն։ Ակումբը նախորդ անգամ մրցաշարի վճռորոշ խաղին մասնակցել է 1974 թվականին, երբ նվաճել է տիտղոսը` 11-մետրանոցներով հաղթելով «Պալերմոյին»։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից