Իտալական գրանդը շատ մոտ է Վլահովիչի տրանսֆերն ավարտին հասցնելուն

Իտալական գրանդը շատ մոտ է Վլահովիչի տրանսֆերն ավարտին հասցնելուն

25/01/2022 - 15:50

«Ֆիորենտինայի» հարձակվող Դուշան Վլահովիչը, ամենայն հավանականությամբ, կարիերան կշարունակի «Յուվենտուսի» կազմում։

Ինչպես տեղեկացնում է ինսայդեր Նիկոլո Սկիրան, հունվարի 25-ին` վաղ առավոտյան, «բյանկոներիները» սերբ հարձակվողի տարսնֆերի հարցում բանակցություններ են սկսել «Ֆիորենտինայի» հետ։

Աղբյուրի փոխանցմամբ` կողմերն արդեն շատ մոտ են գործարքն ավարտին հասցնելուն. սերբ ֆուտբոլիստը թուրինյան ակումբի հետ համաձայնեցրել 5 տարվա պայմանագիր` տարեկան 7 մլն եվրոյի աշխատավարձով, իսկ «Յուվենտուսը» նրա տրանսֆերի դիմաց «Ֆիորենտինային» առաջարկել է 65 մլն եվրո գումար։

«Մանուշակները» պատրաստ են ընդունել «ծեր սենյորիայի» առաջարկը, որպեսզի որքան հնարավոր է շուտ փոխարինող գտնեն Վլահովիչի համար։

Արդեն կան խոսակցություններ, որ Ֆլորենցիան ներկայացնող ակումբը Վլահովիչի փոխարեն մտադիր է գնել «Բազելի» հարձակվող Արթուր Կաբրալին։

Սկիրան Twitter-ի իր միկրոբլոգում գրում է նաև, որ Դուշան Վլահովիչը դեռ 2021 թ. հոկտեմբերից կատարել է իր ընտրությունը և ցանկանում է տեղափոխվել միայն «Յուվենտուս» և այս ընթացքում մերժել է բազմաթիվ ակումբների։ Խոսքը «Արսենալի», «Նյուքասլի», «Ատլետիկո Մադրիդի» և «Բորուսիա Դորտմունդի» մասին է։

Հիշեցնենք, որ Դուշան Վլահովիչը «Ֆիորենտինայի» կազմում հանդես է գալիս 2018 թ. հուլիսից, որի մարզաշապիկով անցկացրել է 108 հանդիպում` դառնալով 49 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023