Իտալական անվանի ակումբը պատրաստ է ձեռք բերել Կազեմիրոյին

«Մանչեսթեր Յունայթեդի» կիսապաշտպան Կազեմիրոն կարող է կարիերան շարունակել «Ռոմայում», գրում է լրագրող Ջանլուկա Դի Մարցիոյի կայքը։

Ըստ աղբյուրի` «ջալոռոսին» բրազիլացի ֆուտբոլիստին դիտարկում է` որպես ակումբի կիսապաշտպան Լեանդրո Պարեդեսի հավանական փոխարինողի։ Վերջինն, ամենայն հավանականությամբ, տեղափոխվելու է արգենտինական «Բոկա Խունիորս»։

32-ամյա Կազեմիրոն նույնպես կողմ է «Յունայթեդից» հեռանալուն, քանի որ կորցրել է տեղն ակումբի կազմում։ Նա «կարմիր սատանաների» վերջին 6 խաղերում մնացել է պահեստայինների նստարանին։

Նա մանկունյական ակումբ է տեղափոխվել 2022 թ. օգոստոսին, 105 խաղում խփել 15 գոլ, կատարել 9 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից