Ինտերն անչափ համառ պայքարում հաղթեց Արսենալին 🎥

Չեմպիոնների լիգայի հիմնական փուլի 4-րդ տուրում Միլանի «Ինտերը» սեփական դաշտում մրցեց Լոնդոնի «Արսենալի» դեմ։

Հանդիպման ընթացքում գրանցվեց դարպասի մեկ գրավում. «ներաձուրիները» համառ պայքարում հաղթեցին 1:0 հաշվով։

Հանդիպման միակ գոլը 45+3-րդ րոպեին խփեց Հական Չալհանօղլուն, որը դիպուկ իրացեց 11-մետրանոցը։

Հայաստանի հավաքականի նախկին ավագ Հենրիխ Մխիթարյանը միլանյան ակումբի կազմում նույնպես մասնակցեց հանդիպմանը և փոխարինման դուրս եկավ 61-րդ րոպեին։

Սիմոնե Ինձզագիի գլխավորած թիմը 10 միավորով բարձրացավ 5-րդ տեղ։ «Ինտերը» մրցաշարում անցկացրած չորս խաղում դեռ ոչ մի գոլ բաց չի թողել։ Նման ցուցանիշ ունի միայն «Ատալանտան»։ «Արսենալը» 7 միավորով 12-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից