Թրիլեր Մադրիդում! «Վալենսիան» 90+5-րդ րոպեին հաղթանակ կորզեց «Ռեալից» 🎥

Թրիլեր Մադրիդում! «Վալենսիան» 90+5-րդ րոպեին հաղթանակ կորզեց «Ռեալից» 🎥

05/04/2025 - 20:14

Իսպանիայի Լա լիգայի 30-րդ տուրում գործող չեմպիոն Մադրիդի «Ռեալը» «Սանտիագո Բեռնաբեու» ստադիոնում մրցեց «Վալենսիայի» դեմ։

«Արայքական» ակումբը հանդիպման մեծ մասում ուներ խաղային ու տարածքային լուրջ առավելություն, սակայն չկարողացավ հաղթել։ Փոխարենը «Վալենսիան» 90+5-րդ րոպեին գոլ խփեց ու հաղթանակ կորզեց 2:1 հաշվով։

«Չղջիկներից» 15-րդ րոպեին հաշիվը բացեց Մուկտար Դիախաբին, իսկ Կառլո Անչելոտիի գլխավորած թիմի պատասխան գոլը 50-րդ րոպեին խփեց Վինիսիուսը։ Հյուրերից հերոսացավ փոխարինման դուրս եկած Ուգո Դուրոն։

Վինիսիուսը 13-րդ րոպեին վրիպել է նաև 11-մետրանոցից. հյուրերին փրկեց դարպասապահ Գիորգի Մամարդաշվիլին։

Առահասարակ, վրացի դարպասապահը փայլուն հանդիպում անցկացրեց և 8 սեյվ կատարեց։

«Ռեալը» մնաց 62 միավորով և երկրորդ տեղում է։ Առաջատար «Բարսելոնան» ունի 66 միավոր և ընթացիկ տուրում տանը «Բետիսին» հաղթելու դեպքում 6 միավորի առավելություն կստանա «սերուցքայիններից»։ «Վալենսիան» 34 միավորով բարձրացավ 15-րդ տեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023