Թոփ-5 առաջնությունների ամենաթանկարժեք մեկնարկային կազմ ունեցող ակումբներն` ըստ CIES-ի

Ֆուտբոլային հետազոտությունների միջազգային կենտրոնը` CIES-ը, ներկայացրել է եվրոպական թոփ-5 առաջնությունների ամենաթանկարժեք մեկնարկային կազմ ունեցող ակումբներին։

Հետազոտությունը հիմնված է այն բանի վրա, թե որքան գումար են ակումբները ծախսել իրենց մեկնարկային կազմի ֆուտբոլիստներին գնելու համար։

Թոփ-5 առաջնությունների ամենաթանկարժեք մեկնարկային կազմ ունեցող ակումբների լավագույն տասնյակն ունի հետևյալ տեսքը.

1. «Մանչեսթեր Սիթի» – 605 մլ եվրո
2. ՊՍԺ – 510 մլն եվրո
3. «Մանչեսթեր Յունայթեդ» – 480 մլն եվրո
4. «Լիվերպուլ»– 409 մլն եվրո
5. «Չելսի» – 393 մլն եվրո
6. «Արսենալ» – 382 մլն եվրո
7. «Ռեալ Մադրիդ» – 370 մլն եվրո
8. «Բարսելոնա» – 334 մլն եվրո
9. «Յուվենտուս» – 300 մլն եվրո
10. «Բավարիա» – 294 մլն եվրո

Նշենք, որ բոլոր ակումբների մեկնարկային կազմի արժեքները հաշվելիս CIES-ը դրանք միջինացրել է։

Հավելենք, որ ընթացիկ մրցաշրջանում «Մանչեսթեր Սիթին» իր ամենաթանկարժեք մեկնարկային կազմը (726 մլն եվրո) դուրս է բերել անգլիական Պրեմիեր լիգայի 13-րդ տուրում «Բրայթոնի» դեմ կայացած խաղում (3:1)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am