Ըմբշամարտի ԵԱ. Արման Ավագյանը ցավալի պարտություն կրեց կիսաեզրափակիչում

Խորվաթիայի մայրաքաղաք Զագրեբում շարունակվում է ըմբշամարտի Եվրոպայի առաջնությունը։

Պայքարի մեջ են մտել 79 կգ քաշային կարգի ազատ ոճի ըմբիշները, որի շրջանակում Հայաստանը ներկայացնում է Արման Ավագյանը։

Ավագյանը հաղթել էր մեկնարկային երկու գոտեմարտերում և դուրս եկել կիսաեզրափակիչ։

Ցավոք, կիսաեզրափակիչում հայ ըմբիշը 10:12 հաշվով պարտվեց Հունաստանը ներկայացնող մրցակցին։

Նշենք, որ Ավագյանը գոտեմարտի ընթացքում հաղթում էր 10:2 հաշվով, սակայն ձեռքից բաց թողեց հաղթանակը։

Այսպիսով, Արման Ավագյանն ապրիլի 18-ին կգոտեմարտի բրոնզե մեդալի համար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am